【on.cc东网专讯】 现年33岁的陈宛蔚（Calinda）大家可能只系记得佢系Wilson嘅女友，其实佢曾于2007年参选香港小姐，其后落选嘅佢受赏识担任无綫节目《味分高下》嘅味之天使「杂果宾治」而为人熟悉，虽然身材只有32B，但胜在匀称惹火，佢之后亦有参与过唔少剧集如《怒火街头2》、《雷霆扫毒》及电影《Laughing Gor之变节》，仲有份演出男友执导嘅电影《喜爱夜蒲2》，认真攞正牌边拍拖边工作！不过，Calinda最近淡出萤光幕，转型做经理人嘅佢旗下艺人有「寸嘴Barbie」夏尉喻，佢仲入股到时装店，升呢做老板娘！
 
地下情终开花结果
 
    Calinda于2007年参与无綫节目《味分高下》时，与当时负责监製节目嘅钱国伟（Wilson）结缘，二人其后传出绯闻，仲多次甜蜜拍拖断正，不过佢的始终唔肯承认恋情，关系扑朔迷离。
 
    二人拍拖多年，「女人缘」旺盛嘅Wilson与多位女艺人传出绯闻，但每次都获女友Calinda投以信任票，并话：「我都惯左见佢（钱国伟）成日拖女。」认真一百分女友！贴心嘅Calinda仲喺Wilson进入事业低潮期时都依然不离不弃，难怪会将Wilson收服。上年7月，Wilson趁到美国做组合BIG FOUR演唱会时，向随行嘅女友求婚，佢仲送上鲜花及三卡戒指，跪地求婚冧到佳人点头答允，二人终于开花结果！

陈宛蔚同钱国伟初由初初玩地下情，到依家终于修成正果喇！

以前就算影到一齐行街，都唔肯认拍拖。

Wilson（左二）出名女人缘好。

Calinda 32B嘅身材够晒匀称。