噚日导演钱国伟同陈宛蔚结婚，唔少圈中好友都嚟到贺。其中包括阿Bob，不过唔知佢系咪饮大左，喺婚宴上闹事，先食烟，被侧田拉走；后于「古惑仔」佢的喺台上唱紧《友情岁月》时，突然出现上台抢风头兼抢咪，令陈小春不满疑似爆粗，仲好似想下台追打阿Bob；最后，阿Bob离场时仲捉住梁烈唯丧咀！
据知，阿Bob本身已喺台下饮到high左，仲想室内吸烟，侧田见到就拉佢去第二度吸。之后阿Bob喺「古惑仔」台上唱紧《友情岁月》时，上台抢风头兼抢咪，搞到小春疑似爆粗，仲想打阿Bob，不过被其他兄弟拉住，阿Bob后来俾人拉左入房「训话」，再带佢离场。不过点知佢自己又入返去，想搵小春耍冧。但大家惊佢的出事，于是上前分番开两人，扰攘到凌晨1点，阿Bob先肯走。而佢自己喺晚上9点几时，喺微博留言：「大获，已经醉左........」
最后阿Bob由好友唯唯扶住走，记者问佢发生羊事，佢同唯唯都只系答:「冇事冇事，冇冇冇，好啦够啦，冇事。」问佢会唔会再饮咁多时，阿Bob即话:「其实我唔系饮好多之嘛。」又话当小春系偶像，话:「兄弟嚟嘅，冇事，够啦。」之后阿Bob又突然捉住唯唯丧咀，话同唯唯最friend，又向记者V晒手先上车。其实通常醉嘅人都会话自己冇事，阿Bob下次唔饮得真系唔好醉喇！
