中秋节人月两团圆，2007年港男冠军袁伟豪亦趁中秋佳节，晒相冧佳人。喺大台做左8年，近年袁伟豪先因小生花旦荒有机会上?位，事业开始顺境时，爱情亦非常得意。佢上个月就承认同2012年港姐最上镜小姐岑杏贤秘恋两年，仲被影到佢的展开同居生活，而袁伟豪仲会做住家男人煮饭畀女友食。
 
    早前二人已公开表明视对方系结婚对象，岑杏贤仲话佢爸爸好锺意袁伟豪，觉得佢份人好踏实。而袁伟豪前晚就趁中秋佳节喺微博首次贴出二人恩爱合照，留言：「祝大家中秋佳节，人月两团圆。」相中更写上「有你是幸福的开始」，见岑杏贤小鸟依人咁挨喺袁伟豪身上，睇嚟两位都非常幸福，唔知几时拉埋天窗呢？