2013年港姐冠军陈凯琳同亚军蔡思贝当选后都被大台力棒，前者今年有两套电视剧担正出街，后者就有一套。不过据知下年形势将会掉转，蔡思贝2016年会有4套剧上演，其中三套仲系担正，淨番嗰套都系第二女主角，而一众网民听到就嗌晒救命，话佢仲难顶过陈凯琳！
 
    今年陈凯琳有《四个女仔三个BAR》同《张保仔》呢两套剧播出，虽然佢被人指似巫婆，仲话啲戏好浮夸，不过相对起蔡思贝，佢仲系比较好。事关今年蔡思贝得《衝线》一套戏出街，佢又冇乜观众缘，绯闻多箩箩，仲要冇演技，个样仲系万能key…
 
 
    不过有网民就喺讨论区指下年蔡思贝将会称霸，话佢有四套电视剧系身，仲差唔多套套担正做主角，搞到一大班网民嗌晒救命，留言︰「赶客过陈凯琳」、「tvb真系冇哂人..」、「担唔起大旗」、「救命，力捧女主角中戏最差」、「见到高音贝都唔想睇」等等，睇嚟大家真系唔多锺意佢喎！