大台今个星期开始播当年红爆,收视最高有成50点嘅神剧《男亲女爱》,套剧仲创下非黄金时段最高收视纪录,成绩超然。而郑裕玲饰演嘅角色毛小慧(MISS MO)同黄子华饰演嘅角色余乐天(阿LOK)仲成功深入大家民心,不时有唔少金句令人津津乐道。包括MISS MO成日叫余乐天「Off」,同埋余乐天嘅口头禅「又如何」,不过噚晚嗰集就发现神剧制作都有是旦时,有穿崩位... 
 
    噚日讲两人被老板CK搞到要住埋同一间屋,两个喺互不知情嘅情况下喺房度见到大家,而咁岩余乐天养嘅宠物「小强」(即系甲由)走左出嚟,仲爬左去余乐天个身度,咁MISS MO见到就一野扑落余乐天个左额度,搞到佢流晒血。咁第二日,余乐天就坐喺位度同同事讲佢嘅伤势,不过就见到有几秒镜头,佢个伤就左边变左去右边,真系唔同晒位。虽然大台嘅剧穿崩位有系一定嘅,但估唔到连难得高水平之作《男亲女爱》都有...仲要喺男神黄子华身上...真系有少少唔开心...