● 連詩雅
香港文匯報訊（記者 梁靜儀）連詩雅（Shiga）昨日到新城電台宣傳新歌《別放棄治療》，她表示歌曲是送給自己入行10周年的禮物，是紀念自己成長的里程碑，原定去年推出，但因疫情延遲至今年推出。
昨日是中秋節，Shiga表示要連走幾場活動，雖然節日要工作，但她卻很樂意：「有得做就做，因為有成年冇推出新歌。」她謂很喜歡新歌的歌詞，當中有些更是其寫照，很多事表面好風光，但內裏卻有點悲慘，問到她有什麼悲慘經歷？她說：「出道多年都有悲慘過嘅時候，有段時間自己無論做乜，大家都唔係好接受我，自己都好迷失，都諗係咪應該繼續做呢行？情緒有啲波動，唔知點解成日會喊，當時又冇乜收入，唔知點繼續生活，個人好迷惘、好冇動力，每日起身都問自己嘅人生做緊乜？但係自己一向報喜不報憂，唔想特別去講，現在捱過難關回頭睇返又唔覺得係咩一回事，自己亦長大咗。」
她透露情緒出現問題時有去求醫，整個療程維持了幾年，最初都有食藥，但之後就靠做運動，還有公司同事勉勵及保持正能量，有時她又會寫一些座右銘鼓勵自己，之後慢慢便多了工作機會，認為無論遇到什麼不好的事都不應該放棄治療。她又笑說：「疫情下我學識咗『煮到嚟就食』。」
