●黎瑞恩表示在節目中會獻唱多首七八十年代兒歌。


●無綫《兒歌金曲SUMMERFEST》前晚錄影,場面熱鬧。


●歐倩怡正攻讀運動營養學碩士。


●Gin Lee後悔在節目內選唱《魔雪奇緣》的主題曲。

香港文匯報訊(記者 梁靜儀)無綫《兒歌金曲SUMMERFEST》前晚於將軍澳電視城進行錄影,出席藝人有歐倩怡、Gin Lee(李幸倪)、黎瑞恩、菊梓喬、JW( 王灝兒)、 譚嘉儀、姚焯菲、鍾柔美、薛家燕、黎諾懿、丁子朗及羅毓儀等,家燕姐當晚更偕同藝術中心一班學員到場,而不少演出歌手更以卡通人物造型現身。郭晉安即將約滿無綫,妻子歐倩怡否認老公將離巢的傳聞。而黎瑞恩自爆子女有唱歌天分,但就表明不會出手幫他們入行。

黎瑞恩表示會跟兒時參加過的合唱團一起合唱多首七八十年代兒歌《學生哥》及《共享陽光》等,她感慨地說:「見到佢哋,就好似見到自己細個,有啲感動到想喊。」她又指仔女四五歲的時候,也有參加兒童合唱團,唱歌之餘又可以學習紀律。問到一對子女可有遺傳她的唱歌天分?她說:「兩個唱歌都幾好,之前都有同佢哋合唱過《父母恩》,(子女有冇興趣入行做歌星?)唔知呀,不過,我講明媽咪唔會幫手,如果想就靠自己,(唔贊成太細個入行?)大個少少好啲,可以試吓,但都要讀好書先。」

歐倩怡廿多年前主唱的兒歌《問題天天都多》,當年唱到街知巷聞,多年後仍大受歡迎,歌曲更成為網上觀眾投票點唱榜首,對此她笑說:「投自己票嘅人相信都已經做晒父母,首歌喺97、98年推出,當年唱呢首歌時自己只係十七八歲。」問到她的子女可有聽她唱的兒歌?歐倩怡指子女都是聽韓國歌長大,而近年香港都很少兒歌,自己都想製作兒歌,問到可會再唱兒歌?她笑說:「如果大家唔嘔,我都願意再唱。」

談到近日有傳她的丈夫郭晉安(安仔)不續約TVB,向歐倩怡求證時,她表示沒有聽聞,又指安仔現時的產量都是一年一兩套劇,最近才在內地拍完《白色強人II》返港,她說:「我都冇聽過佢話唔簽約,佢家經理人係王祖藍嗰邊,我亦都唔覺得佢工作有乜變動,不過,疫情後有好多工作都停頓咗,好多計劃都擱置。」她又爆老公現時全職湊仔,自己就全職讀書,正攻讀運動營養學碩士,明年畢業便可成為註冊運動營養師,她說:「我都想做全識,體驗返朝九晚五生活。始終中學畢業後第一份工已經做幕前,唔知自己頂唔頂得順,同埋我驚去見工時,人哋以為我玩玩吓唔請我,以為係整蠱節目。」笑問她是否可以養起安仔? 歐倩怡笑說:「佢片酬好高,唔使我養啦,佢拍多幾套劇好過啦。」

Gin Lee與學友合唱感壓力

首次參與兒童節目的Gin Lee,在節目內獻唱《魔雪奇緣》的主題曲《Let It Go》,她笑言後悔揀錯歌:「我有睇過套戲,但冇意識到首歌咁難唱,搞到我有少少後悔。」她又謂很喜歡小朋友,自己跟小朋友亦很有緣分,小朋友見到她都會好開心,又會叫她「Gin姐姐」或「Gin老師」。問到她可有興趣教小朋友唱歌?她坦白說:「未試過教小朋友唱歌,因為小朋友比較難控制,但都希望有機會推出兒歌。」笑言如果唱兒歌反應好,可殺出一條血路。

Gin Lee透露近日都忙於為與張學友合唱的新歌宣傳,日前剛完成MV拍攝,首次跟張學友合唱感到榮幸,但同時亦感到有點壓力:「我哋係一齊錄音,日前就去咗郊外拍MV,曝曬咗幾個鐘,好多謝學友嘅配合,能夠請到學友出山好榮幸,好難得,加上自己又好鍾意對方,喺我歌唱生涯係一件好威水嘅事,係一個里程碑。」