■朱晨麗透露下月會跟緋聞男友何廣沛去拍旅遊節目。
■朱晨麗透露下月會跟緋聞男友何廣沛去拍旅遊節目。

陳豪(阿Mo)、李佳芯、朱晨麗、洪永城、周柏豪、蕭正楠、曹永廉及黃浩然等,昨日於電視城為《Do姐有問題》錄影。朱晨麗表示跟洪永城拍完劇後已有一年冇聯絡,笑言:「撞到都唔會打招呼,唔知點解佢想同我劃清界線?」而下月朱晨麗會跟緋聞男友何廣沛去拍旅遊節目,她表示多謝公司給機會。

朱晨麗表示昨日很開心能跟《多功能老婆》一班演員見面及宣傳新劇,她表示跟洪永城拍完劇已有一年沒見面,並笑稱跟對方不是好朋友:「冇聯絡,撞到都唔會打招呼,唔知點解佢想同我劃清界線?(佢有女友?)有女友就唔使有我呢個朋友?之前仲話同我拍旅遊節目。(唔驚傳緋聞?)有咩咁驚?我又唔會亂嚟嘅。」

她開心透露十二月會與緋聞男友何廣沛去拍旅遊節目。說到感情又可跨進一步?她笑說:「多謝公司畀機會,今次係公司安排。(順道拍拖?)去做嘢,預計台慶頒獎禮之前返。」她又稱為怕要在節目中着泳衣出鏡,要開始跳舞減肥。問到可介意以三點式泳裝出鏡?她說:「公司有尺度。(叫何廣沛幫你影泳衣相?)佢影相好差,要進修吓點影到我條腿長啲,高啲瘦啲。(私人攝影師?)佢唔係只係影我,佢影過好多藝人。」

陳豪咖啡店生意受影響

阿Mo表示拍完劇集後,現在休息中,但都很忙,因為要湊仔及打理咖啡店生意。他笑說:「做人就係咁,希望做得多啲。」問到咖啡店生意可有受影響?他坦言影響必定有,但不算太緊要,因為生意剛起步,成本不算太犀利,自覺都算幸運,希望社會氣氛快些平靜下來。問到可有要求減租?他說:「都係跟返大隊去做,跟商場都有啲協議。」昨日跟盛傳被公司「雪藏」的李佳芯同場,問到他可有安慰對方?他說不用安慰:「佢都冇乜嘢,而且喺公司啲trip成日見到。」聖誕將會與家人去加拿大滑雪的他,透露明年二月才再拍新劇。

李佳芯表示剛忙完新劇《愛美麗狂想曲》拍攝,但就不知道何時再拍劇,因為演員好被動,無劇拍的時候就充實自己,由第一日入行都是這個方式生活。之前盛傳被公司「雪藏」的她,被問到現在可出來是否「解凍」?她說:「由day one開始話雪藏我都係睇報紙至知,其實之後都出咗幾個trip,都有出嚟,感覺又唔似好耐冇見大家。」

談到《BB來了2》換上了岑麗香(香香)主演,佳芯表示都很期待香香回來拍劇,因為她剛生完B,在最新鮮狀態下演出,相信不只是她,很多觀眾都很期待看到香香的演出。她坦言反而對另一齣劇集《踩過界II》未有份再拍感到有點可惜。