26岁嘅何傲儿(Lily)去年同78岁富商林建名大玩「爷孙恋」，不过冇耐之后就被发现同「西贡地王」之子周子扬挞着。为左讨好林建名，Lily同周子扬一度「分手」，前者今年仲离开无綫，转投林建名旗下公司。就算早前被影到跟周子扬车厢大战，Lily为保前途仍强调自己单身！
但话晒系「西贡地王」之子，周子扬当然不甘做「背后的男人」！于是近日转移目标，暗地里跟大台奀星、有「爆乳唐诗咏」之称嘅曹思诗(CC)火速搭上！二人先去酒店密会，喺酒店顶楼餐厅嘅露天位置饮酒谈心，之后更前后脚上楼！不过都仲未完，两人喺两个钟头后齐齐以全黑情侣装落楼放狗，又影相又追追逐逐，真系玩得好开心喎！
被人摆上枱
偷塔新女事件曝光后，为免女友Lily起疑心，周子扬今日就呢件事对传媒郑重澄清：「好似有人悉心安排咁！」暗示被人摆上枱，以表清白！
被问为何同ＣＣ以全黑情侣装落楼放狗，子扬回应：「其实自己同Lily一直都想养松鼠狗，所以先会去睇吓CC隻狗，饮野放狗前后都冇二十分钟，都唔知点解会有咁大段故事。」其次，佢极力否认自己有上过CC屋企，「我个心一直喺Lily度！」之前发生嘅事已经令佢的好困扰，依家完全冇心情识人！
最后，子扬嚟一个好鬼感人嘅爱的宣言做总结，话自己一直视Lily系最重要嘅人，一心一意对佢，好想公开佢做女朋友。而且努力工作都系为左佢，系自己嘅推动力！仲「好希望有一日可以同佢开花结果」。唔知陪紧林建名Lily听到呢度，会唔会感动落泪呢？
现年23岁嘅曹思诗(ＣＣ)有「爆乳唐诗咏」之称，14岁入行，又推出过写真集。佢13年过档无綫，喺唔少剧集都有份演出…虽然全部都系路人甲角色。
其实CC一向出晒名锺意收兵，喺片场成日埋男人堆放电。又经常喺网上狂晒性感照，泳衣校服羊都齐，真系难怪周子扬会把持不住！
