【on.cc东网专讯】 「光加热就等于火～」巨星罗文首《激光中》可算是经典神曲，无论系MV定歌词，相信大家点都睇过，或者识唱番几句。早排罗家英为主题公园哈萝喂拍广告时，就恶搞左呢首经典之作，叫做《惊慌中》。首歌MV製作十分认真，无论系造型、拍摄手法定场景都同罗文嘅版本非常相似，但罗家英版就搵嚟「鬼后」罗兰做女主角，而且歌词又劲抵死，网民睇到之后都LIKE爆！
虽然《惊慌中》系为左万圣节而製作，但唔少歌词唔恐怖之馀，仲令网友一听到就不禁笑左出嚟，好似「罗加英就等于我」、「我用THE WALKING DEAD将你来锁」、「此刻阿姐吓亲我，我嗌到没法挡」等。网友大讚填词者够晒创意，而且啲词明显为罗家英度身订造，感觉更加好笑！
而客串女主角嘅罗兰亦喺MV中交足戏，佢依偎喺罗家英身上露出甜笑，仲大胆抚摸罗家英心口，劲重口味，引得网友激讚罗兰好正！
网民有话儿：
Lxxxg Kxxha：拍摄得好有旧时代既（嘅）feel 正！
Wixxxxm Kxxng：罗记弹返（番）起身讚好
大xx：罗记黎（嚟）左（左）
Kxxxs Lxm：罗兰好正～
Lxxxg Kx Chxxx：吓到个心离一离
罗家英孖罗兰联手炮製《惊慌中》，斋睇阵容都觉得吸引！
罗家英全程Chok住样唱歌。
罗家英个样愈认真就愈爆笑。
罗兰（左）大胆摸罗家英心口，唔怕汪明荃押醋羊？
歌词仲好抵死架！
两人又跳又唱，表现落力。
网民纷纷Like爆罗家英发挥搞笑本色。网民纷纷Like爆罗家英发挥搞笑本色。
罗文版《激光中》
