适逢中秋节，朱慧敏密密掘金。噚日喺土瓜湾出席「火龙舞影迎中秋」活动，佢更同现场观众玩游戏同食月饼。讲到庆祝中秋节，佢透露前晚同朋友打台湾牌，又话会同朋友食饭庆节咁话，佢仲表示想去大坑睇舞火龙。
 
    咁朱慧敏唔同男友彭怀安（Eddie）过中秋，佢咪好惨萝？朱慧敏话：「唔惨，佢有朋友陪，我祝佢人月两团圆，快啲搵个新女朋友。」哗，搵个新女朋友？唔通两人冇复合机会？朱慧敏话：「我冇谂感情事，同佢系好朋友，生意上伙伴，会同佢有沟通。」咁上个月被影到同Eddie一齐睇舖，唔系复合左羊？佢话：「几日有圈中朋友去食饭，不过我的分得好清楚，只限工作上。」系咪已经分左手？朱慧敏就话：「咁多年，我的都有感情，对大家都有情义，唔想用啲字眼太伤害性。」
 

 
    朱慧敏又话如果Eddie有新女朋友，佢会好开心，更会衷心祝福Eddie。虽然分左手，不过朱慧敏仍然选择护住Eddie，佢话：「感情好难讲，睇缘份啦，其实佢唔系花心，佢好好，我好相信佢，但好多野唔系一朝一夕，感情事好难讲，可能去婚姻，同拍拖系两回事，樽颈位未过到。」佢又指早前订嘅酒席，已经挞订。咁希望朱慧敏都可以快啲搵到幸福啦。