由劉德華監製及主演，古天樂、苗僑偉、林嘉欣等主演的電影《掃毒2天地對決》，經過歷時三個多月的製作，煞科日闖入中環地鐵站拍攝重頭戲部分至凌晨時分，終於順利完成。身兼監製及主演的華仔雖然早已殺青，不過於劇組煞科日仍現身支持，華仔說：「今次的拍攝真係喜出望外，無論係整個架構、或者大家的演出！」作為主演之一的三哥，可謂由頭帶落尾，足足經歷了兩個月拍攝，直踩至煞科日。三哥說：「經歷了一個非常炎熱同充實的暑假！」《掃毒2 》煞科日闖入中環地鐵站實景拍攝，三哥認為：「中環站實景同我們搭建的廠景港鐵站幾乎冇分別，我們的廠景實在太真！」問到三哥幾耐冇搭港鐵？三哥話：「我間唔時都搭㗎！如果大家搭車時見到我，歡迎搵我影相！」至於三哥完成拍攝一刻，跟監製華仔講句：「我完成任務啦。」華仔搞笑回應：「三哥我真係恭喜你！」

■劉德華、苗僑偉等為《掃毒2》殺青開香檳慶祝。
劉德華、苗僑偉等為《掃毒2》殺青開香檳慶祝。