大家仲记唔记得2013年香港出左队少男组合叫「FAITH」，佢的同「天堂鸟」同「拾音社」被喻为MK Pop，仲成功掀起一轮热话。佢的更以《Ma Ma Easy》一歌，凭歌寄意叫「妈妈不必担心」，但遭到网民笑爆，表示妈妈见到咁，实在唔可以唔担心。近排佢的有成员变动，两名新成员Dawn及River加入，而旧成员Wave则退团。
未知佢的系见近排女团FFx凭$900《Sugar Baby》MV成功凭骑呢弹出，佢的又翻唱神曲《罗生门》兼拍MV希望出奇制胜，不过就咁睇，个MV制作费分分少过$900...一开始有个唔系成员嘅男仔坐喺度弹结他，之后其他成员分别坐喺张梳化度轮住唱，又或者轮流喺镜头面前行个圈再chok下个MK样，跟住再4个一齐坐喺梳化度唱，非常悭水悭力。
不过MV都唔系重点，好地地一首神曲，4位唱到好似hehe爱情故事咁，仲要chok最个MK样嚟走音，真系听到人嗌救命，开头「近日旧同学说我已 耿耿于你心六百週」个「六百週」走音走到变「鹿百週」都照收货，真系唔知讲羊好。但其中有位正常短髮新成员Dawn，打扮非常唔MK，而且唱功明显比其他成员佳，令人众网民都大感叹息，有人仲留言：「佢唔差啊 做乜要做自甘堕落？」唉，其实呢位新成员个样又唔MK，唱歌都OK，其实真系冇资格入「FAITH」，不如考虑下退团？
