香港文汇报讯 颜卓灵（Cherry）日前拍摄新歌《恶女》MV，其中一个造型就是她以火红色眼影、硬崩崩假髮、黑白分明服装示人，加上一副生人勿近的表情，炎炎夏日都有一阵寒意入骨！Cherry 说：「大家见我有些肉地好可爱，又有隻爆牙，好似好开心咁，其实真正的我唔似表面咁。外表系天生，但内心和性格系好个人。我呢个人生得太可爱，成日都被『标籤』好开心、好阳光，仲跳埋舞跳跳扎，其实另一面嘅我成日会胡思乱想，又会好恶，反差太大，会令人好惊讶！藉住呢首歌我想同大家讲，我份人就系咁㗎啦，未睇清楚我真面目之前，唔好贸贸然就话锺意我。不过，之所以我会展示咁真实恶样的人，都系我好珍惜、珍贵的人！」而「见识」最多Cherry真面目的人，当然是最亲的妈咪，她自爆小时候经常与妈咪吵架，曾经一次发脾气大力闩门夹伤妈咪隻手，非常难忘！
 
 
此外，Cherry透露MV裡另有一个较温柔的造型，为此她特别抽了几日学跳现代舞。Cherry最近亦接触了Pole Dance（钢管舞），她说：「表面上跳Pole Dance的女仔好性感、好优美，其实着得咁性感系要用大髀和手臂的肉『啜』住支钢管，我尝试上钢管2秒，哗！好痛好痛呀！我谂我要多啲时间去克服和学习先至可以表演畀大家睇。」