28岁的林夏薇7月底秘嫁较她年长16岁、身家逾20亿的上市公司董事莫赞生(Jason),并一连两晚在山顶豪宅举行婚宴。婚后,幸福少奶薇薇大爆畀老公锡到燶:「我做乜佢都会咁支持我,几攰都会陪我重温电视剧,就算拍戏日以继夜咁忙陪唔到佢都唔会诈型,反而会亲手炖燕窝送过嚟畀我补身,老公仲成日话『我就好啦,识到你!』」sweet到爆!採访:方骞平
 
    问新婚少妇林夏薇点样俘虏笋盘?她哈哈大笑:「可能成功男士好需要正能量,而我成日笑,个人好易满足,佢(丈夫)不论出面有几辛苦,返到屋企见到我永远都笑,我会畀意见佢。在家我只系一个家庭主妇,而佢亦唔系一个生意人,我的过普通嘅家庭生括,keep住互相仰慕态度,互相学习啦!」
 
    林夏薇强调,嫁Jason并唔系为对方身家,她说:「我欣赏佢系白手兴家,系一个好努力、有责任感嘅男人,而且最难得系大家理念一样,我的家庭观念都好重,好尊重同好锡屋企人,?家最难学习系工作同家庭取得平衡。」问到可会担心有米老公多女埋身?她大笑说:「唔担心喎,我有信心夫妻二人能同甘共苦,做人要对自己有信心,唔使御夫术,只要keep住自己有魅力就得!」
 
    最近,莫太同两个朋友合资8位数字分别在北角及屯门黄金海岸开食店学做生意,丈夫当然系幕后军师。开完店,因Jason要到意大利开会,薇薇就做「跟得夫人」飞去甜蜜欧游,唔通顺便造人?!


※新婚的林夏薇开食肆学做生意,强调唔会退出幕前,仍然好enjoy拍戏。
 
※早前,林夏薇有份主演的剧集《收规华》大结局,她相约张继聪(后排右五)和谢安琪等在其开设的火锅店饭聚煲剧。
 
※新婚夫妇日前拍拖在港鸠呜。