吴千语虽然近期忙于电影《叶问3》嘅宣传，但佢之前帮形象指导师马天佑影落一辑「15FAME」嘅创意企划相，当中千语BB仲著前Tube top同短裤，大骚长腿纤腰，非常性感，不过唔知男友林峰点睇呢？千语BB话林峰其实唔畀佢性感，「因为佢知我性格坐唔定，怕我会走光」。
 
    成辑相都用千语BB嘅中文名做灵感，所以佢手臂就写满文字，想表达「一言一语」嘅威力。千语BB话今次系好唔同嘅尝试：「辑相个感觉好似好疯癫，好自我中心，好似活系另一个世界，同埋今次仲要录歌，觉得好新鲜，从来无乜试过唱歌，好好玩，系一个好好经验」。